浸信會天虹小學

2018-2019年度計劃《影像傳懲》微電影劇本

劇名：《》

編劇：黃永康老師及U1組員

導演：黃永康老師及U1組員

第一場

時間：現在
地點：學校活動室，關注在 囚/更新人士團體分享會
人物：明牧師（更新人士）、老師和一組學生
事件：
學校老師邀請了關注在囚/更新人士團體到校分享，明牧師正在以「過來人」身分向一組學生說出自己多年前的經歷。

明：各位同學，我係嚟自「更新互助會」嘅明牧師，好開心今日可以嚟到學校，

同你哋分享點樣去關心在囚人士同更新人士，你哋知唔知道乜嘢係在 囚人士同更新人士呀？

學生1：(舉手)我知，在囚人士即係監犯。

老師：嗯，留意返，在囚人士雖然係犯咗法而要喺監獄服刑，但係如果佢願意改

過自新，我哋都應該好似對待朋友咁俾機會同接納佢，所以我哋會稱呼佢

哋做「囚友」。

明：好多謝老師嘅解釋，的確，在囚人士喺負緊佢哋法律責任嘅同時，都希望得

到大眾接納同關懷。咁更新人士呢，你哋又知唔知道喺講緊邊一啲人呀？

學生2：呢個我知喎，更新人士即係指嗰啲刑滿出獄，重投社會嘅人吖嘛。

明：好聰明呀呢位同學，你講得好好，咁我想問下你哋有冇接觸過在囚人事或者更新人士呢？

學生3：好難有機會接觸到喎，我哋又未去過監獄，未接觸過在囚人士，而我哋身邊又冇親友過監，自然冇機會認識更新人士啦！

明：其實，喺你哋前就有一個更新人士（指指自己）。

眾學生：下，你唔係牧師嚟嘅咩？

明：哈哈，我係牧師，都係一個更新人士。

學生4：兩個身分好似撈唔埋喎，點解會咁嘅？明牧師，快啲話俾我哋知啦！
眾學生：係啦，明牧師，講嚟聽下啦，講啦......

明：好啦，好啦，大家靜靜先。(眾學生靜)我記得，已經係十年前嘅事，嗰一年，我讀緊中三......

(時間過渡)