第二場

時間：十年前，放學時
地點：街上、公園（樹屋）
人物：阿明（中三）、數名同學
事件：
阿明與幾位同學剛剛放學，正在街上討論考試壓力很大，並想找些輕鬆的事情做，一邊討論一邊去到公園。正當幾位同學談得興高采烈之際，曉樂從衫袋掏出一包東西呼籲同學試試，當中有幾位同學立即拒絕並離開，留下阿明與另一位同學最後因受不住引誘而吸了第一口。

學生1：考完試喇，有冇嘢可以輕鬆下呀？

學生2：咁牙，不如我哋去公園玩下吖。

眾學生：好呀，咁行啦！

（眾學生去到公園，拿手機玩。）

學生3：又死……好悶呀，有冇啲刺激啲嘅嘢玩呀？

明：冇喎，除咗打機，我都諗唔到其他嘢喇。

樂：我有喎，（從袋中拿出一包東西）試下啦。

學生1：喂，呢啲嘢，我唔掂架喎。

樂：呢啲嘢，好嘢嚟架，好貴架。

學生2：喂，俾人知道好大鑊架喎。

樂：冇嘢呀，冇人講點會知呀，我都試過好多次啦。

學生3：咪係，冇膽鬼。

學生1：哎，唔好嘞，我癈事有麻煩，我都係走嘞。

學生2：吓，咁我都走喇。

樂：呿！益你都唔領情，唔識貨！（望明和學生3）咁你哋點先？

明：但係，會唔會上癮架？

學生3：一啖啫，唔會嘅。

樂：咪係，試過你真係覺得唔OK嗁，咁咪唔試囉。

學生3：係囉。

明：咁……好啦（食第一粒丸）。

(時間過渡)