第一，我地希望回收木材，但我地發現單單收集倒塌樹木既數量並唔足夠，經過資料收集之後，我地發現香港其實仲有好多木材可以回收再加以利用，例如係紅酒箱或者係運輸用既卡板，都有大量棄置既情況，如果可以收集到呢D物資，一定可以幫到更多有需要既人！ 第二，我地希望清除障礙，所謂清除障礙其實就係將回收返來既木頭處理好，例如係木頭風乾，減少樹木內既積水。此外，亦要為木頭噴防蟲劑，以免木材比蟲蛀蝕。最後，我地亦會處理好木材既外型，以確保木材可以更容易打造成我地想要既物品。 我地希望利用呢D樹木，經過不同既工序，例如係鋸木，打磨，護木，最後組裝成為不同既物品。我地希望可以製作出不同的傢俱，例如枱櫈，甚至係一D簡單既擺設，最後係學校既成品展當天進行義賣。賺取到既收益，我地希望同區內既社福機構合作，幫助有需要既人士。 我地目前比較大既困難就係資源同技術兩方面。我地目前所收集到木頭數量並唔多，如果可以有更多木材可以回收到會更加理想。另外，雖然我地已經做過資料搜集，了解過點樣去處理回收返來既木材，不過處理過後點樣可以製作出更穩定既木製傢俱技術可能仲未足夠，如果有相關專業知識可以教導我地就會更加理想。
