靈感來自
香港人放工放學會唔會覺得好攰？朝九晚五、夜睡早起係我哋嘅習慣，係呢啲煎熬底下我哋嘅身體不時都會出現毛病，點樣令到睇醫生有效率就成為咗我哋最大嘅目標。
解決什麼社會問題
現時社會雖然有唔少中醫藥知識app，但就缺乏一個遙距睇中醫嘅辦法，通過針對都市人嘅一個線上中醫app，打破香港人出街睇醫生嘅傳統，只需要一部手機，方便及快捷。幫助都市人解決身體毛病，提升整個城市嘅健康。
我們遇到的挑戰
我哋主要嘅挑戰就係需要大量嘅中醫藥知識，作為一班中學生對中醫藥知識實在有限，需要唔同方面對於中醫有更深入嘅了解。另外，唔單止中醫藥知識，我哋都需要豐富嘅科技知識去令到我哋嘅app更加完善，統計知識令到我哋可以更有效收集病人數據，令app上反映於予中醫師嘅資料更加準確。
我們是誰
我哋係匯基書院東九龍中二級乙班嘅一班同學，雖然得10個人，但係我哋人才濟濟，各自都好有心去創一番大事業！
