靈感來自
報紙見到有狗隻行山熱到中暑，然後死亡 >.<||
解決什麼社會問題
狗隻雖然非人類，但其實一直都係人類嘅好朋友。佢哋嘅問題，即係我哋問題！
如果主人夏天帶毛孩出街，又怕會太辛苦佢 (尤其是有中等身材，又厚又多毛嘅佢)
想行下山又驚有生命危險。去狗泳池交通又唔方便，又唔可以日日去。
喺屋企長期開冷氣又耗錢嘥電唔環保！落街去商場又未必俾入。
再加上長期吹冷氣都未必係好辦法，吹到病咗睇醫生又係$$$$$。
咁點算呢？
狗仔係咪注定夏天就要做室內/夜狗？
困喺屋企做隻抑鬱狗？
我們如何由0到1開始
Dog Gear，顧名思義就係一件狗衫！不過係非一般嘅狗衫！佢係可以讓你嘅狗隻熱住都可以出街去威！
我哋嘅設計將會讓你能夠將買雪糕或者其它冷藏食品時附送嘅冰袋變成你狗隻嘅隨身裝備。我哋仲可以讓主人帶狗散步嘅時候，輕鬆地處理地上嘅小便！
我們遇到的挑戰
我哋雖然仲係小學生，對於好多技術同物料嘅嘢都不太熟悉，但係對於動物都有一股熱心！唔希望見到佢哋受心靈上或者係肉體上嘅苦！
需要的資源及人力
我哋需要縫紉方面嘅專家，最好就喺物料方面能提供專業同準確嘅意見！
如果喺狗衣服製作有經驗嘅會更佳！
物料方面，我哋需要透氣以及防水嘅物料。
有組員屋企有養狗，但都不是我哋嘅目標狗隻嘅大小(中型或以上)，希望有機會可以接觸長期照顧呢類型狗隻嘅人，得到寶貴嘅意見。
少量膠水管
借衣車
我哋唔需要太多嘅資金，相信初型只需要$1000內已經能製成。
我們是誰
幾個小四、五、六嘅學生，熱愛生命！
